2016 çулхи чÿк уйăхĕн 26-мĕшĕнче Трактор тăвакансен культура керменне чăваш юррине юрлама юратакансем  «Савăк шăпчăк» фестивале пуçтарăнчĕç. Конкурсăн иккĕмĕш тапхăрне хутшăнма вĕренекенсен «Илем»  фольклор ушкăнĕ те тивĕç пулчĕ. Хĕрсем пир çапнине тата вăййа тухнине сцена çинче пит ăста выляса кăтартрĕç. 6-8 классенче вĕренекенсем хăйсен пултарулăхĕпе жюри членĕсемпе куракансене тыткăнларĕç, I степеньлĕ диплома тивĕç пулчĕç. Ачасен пултарулăхне республика шайĕнче кăтартма Виталий Кузьмич Дмитриев (музыкант) тата Татьяна Ильинична Васильева (сценари çырса хатĕрлекенĕ) пулăшрĕç.