Ака уйăхĕн 27-мĕшĕнче Аслă Вĕрентекенĕмĕр Иван Яковлевич Яковлев çуралнăранпа 170 çул çитнине тата Чăваш чĕлхи кунне халалланă «Туслăх хĕлхемĕ» («Искорка дружбы») республика шайĕнчи фестивалĕ Шупашкар хулин 2-мĕш пуçламăш шкулĕнче иртрĕ.  Районта малти вырăна тухнă Вăтакас Татмăш, Катек, Уçырма, Чарпуç вăтам шкулĕсенче пуçламăш классенче вĕренекенсем «Сăмах илемĕ», «Чăваш вăййи», «Янра, чăваш юрри», «Чăваш ташши», «Чăваш апачĕ» номинацисенче республикăна тĕрлĕ районсенчен пухăннă 400 яхăн ачапа пĕрле тупăшрĕç.

Ачасен пултарулăхне Лидия Попова халăх артистки, Раççей Федерацийĕн тата Чăваш Республикин тава тивĕçлĕ ĕçченĕ Сергей Федотов, Альбина Юрату поэтесса, Тамара Ишмуратова юрăç, Чăваш Республикин ташă искусстви федерацийĕн ертÿçи Екатерина Петрова, И.Я.Яковлев ячĕллĕ Чăваш патшалăх педагогика университечĕн доценчĕ Николай Осипов, культура институчĕн преподавателĕ Григорий Салюков, технологипе коммерци техникумĕн преподавателĕ Анастасия Старостина хакларĕç. 

Иванова Аделия (Катек вăтам шкулĕ) «Сăмах илемĕ» конкурс çĕнтерÿçи пулнă. (Ертỳçи – Борисова Н.А.)

Тăван Канаш районĕн чысне хÿтĕлекенсене чыс та мухтав!