Ака уйăхĕн 21-мĕшĕнче Канаш районĕн «Пĕтĕмĕшле пĕлÿ паракан Уçырма вăтам шкулĕ» муниципалитетăн вĕренÿ бюджет учрежденийĕнче Чăваш чĕлхи кунне халалланă «Тăван чĕлхесĕр – чăн-чăн пĕлÿ çук» фестиваль иртрĕ. Уява  Катек вăтам шкулĕн 5-6 класĕсенче вĕренекен ачасем çитсе савăнчĕç.  Çак чыса вĕсем фестиваль шайĕпе ирттернĕ конкурссенче хăйсен пултарулăхне кăтартса тивĕçрĕç.

 «Чăваш сăвăçисен И.Я.Яковлева халалласа çырнă сăввисене пăхмасăр илемлĕ калани» конкурсра 5-7 классем хушшинче 6-мĕш класра вĕренекен  Александрова Кристина (ертÿçи – Васильева Т.И.) 2-мĕш вырăн йышăнма пултарчĕ. Чăваш сăвăçисен пултарулăхĕпе хавхаланнă 6-мĕш класра вĕренекен Жанна Андреева район шкул ачисем И.Я.Яковлева, мухтавлă ентешсене халалласа хăй шăрçаланă сăввипе 3-мĕш вырăн ( ертÿçи – Васильева Т.И.)çĕнсе илчĕ.

5-мĕш класра вĕренекен çамрăк артистсем «Сцена ăсталăхĕ» конкурса хутшăнса А.Ярмушова юптарăвĕ тăрăх хатĕрленĕ «Вĕçкĕн мулкач» инценировкăпа 2-мĕш вырăн йышăнчĕç (ертÿçисем – Петрова З.В., Васильева А.Ю.).