Чăваш халăхне ҫутта кăларнă И.Я. Яковлев ҫуралнăранпа 175 ҫул ҫитнине, Раççей Федерацийĕн педагогпа ăс паруçă ҫулталăкне тата Чăваш чĕлхи кунне халалланă «Пĕтĕм чăваш диктанчĕ – 2023» акци ака уйăхĕн 26-мĕшĕнче иртрӗ.

Акцин тĕп тĕллевĕ – халăха чăваш чĕлхине вĕренме явăçтарасси, пуплев культурин шайне çĕклесси, чăваш чĕлхин пĕлтерĕшне Чăваш Республикинче, Раççей Федерацийĕн регионĕсенче тата чикĕ леш енче сарасси, чăваш чĕлхин пĕлтерĕшне, сумĕпе хисепне ӳстересси.

   Канаш муниципалитет округĕнчи Катекри пĕтĕмĕшле пĕлÿ паракан вӑтам шкулта 34 вĕренекенпе 3 вĕрентекен Чăваш наци радиовĕн хумĕсем çинче Юхма Мишшин И.Я. Яковлева халалланă хайлавĕ тăрăх кĕрет мар мелпе итлесе диктант ҫырма кӑмӑл турӗ. Акцие хутшӑннӑ 37 ҫынран тӑххӑрӗшӗ "5", вун виҫҫӗшӗ "4" палла тивӗҫ пулчӗҫ.

Чи пултаруллисем: Т.И. Васильева, Э. В. Митрофанова, О. В. Димитриева вӗрентекенсем, Вадим Гурьев (11 класс), Анатолий Митрофанов, Дарья Никитина (10 класс), Олег Митрофанов, Мария Петрова, Аделия Иванова (8 класс) вӗренекенсем.